అఫ్రిది పోయాడంటూ సోషల్ మీడియాలో వైరల్ న్యూస్... అసలు విషయం ఇదే!

సోషల్ మీడియాతో పాటు కృత్రిమ మేధ (ఆర్టిఫిషియల్ ఇంటెలిజెన్స్) అందుబాటులోకి వచ్చిన తర్వాత ఏ వార్త నిజమో తెలుసుకోవాలంటే తప్పనిసరిగా ఫ్యాక్ట్ చెక్ చేసుకోవాల్సిన పరిస్థితి ఏర్పడింది.

ఇటీవల పాకిస్థాన్ మాజీ కెప్టెన్ షాహిద్ అఫ్రిది మరణించారంటూ ఒక వీడియో సామాజిక మాధ్యమాల్లో వైరల్ అయింది. ఆ వీడియోలో ఒక పాకిస్థాన్ న్యూస్ యాంకర్ అఫ్రిది మరణించినట్లు ప్రకటిస్తున్నట్లుగా ఉంది. అయితే దీనిపై ఫ్యాక్ట్ చెక్ నిర్వహించగా అది సత్యదూరమని తేలింది.

ఆ వీడియోలోని చిత్రాలు, ఇతరత్రా అంశాలను ఏఐ ద్వారా సృష్టించినట్లు గుర్తించారు. వాస్తవానికి షాహిద్ అఫ్రిది ఆరోగ్యంగానే ఉన్నారని, సోషల్ మీడియాలో వైరల్ అవుతున్న వీడియో అవాస్తవమని ఫ్యాక్ట్ చెక్ టీమ్ స్పష్టం చేసింది.